الحياة موزايك. فسيفساء من حاجات صغيرة قوى. قطع منسية و مرمية استحالة تفكر انها ممكن تعمل صورة. بس حطهم جنب بعض يطلعلك أجمل منظر.
المدونة دى هتبقى موزايك. حاجات بحبها و أفكار بفكر فيها.
حياتى هى كمان موزايك. تجارب و أوقات مش مفهومة بس مش عارفة ازاى أنا حاسة انى فاهماها. لما أبُصّلهم جنب بعض أحس انى مبسوطة الحمد لله. ده ما يمنعش من شوية أجزاء مكسرة لكن الصورة أحلى بيها. من غيرها تبقى مش حياتى و مش أنا.
شخصيتى أكيد موزايك. جوانب ما تركبش مع بعض. لكن شايفاهم شغالين مع الناس و مش عارفة أشوفهم فى أى ترتيبة تانية.
و هى دى الدنيا مع كل الناس. فهنحب الأجزاء اللى ماحدش شايفها و هنحب قلب الرسمة و هنحب الصور اللى فى حياتنا بتفانينها الرائعة و خرابيشها الصغيرة. و هنحب بعض.
المدونة دى هتبقى موزايك. حاجات بحبها و أفكار بفكر فيها.
حياتى هى كمان موزايك. تجارب و أوقات مش مفهومة بس مش عارفة ازاى أنا حاسة انى فاهماها. لما أبُصّلهم جنب بعض أحس انى مبسوطة الحمد لله. ده ما يمنعش من شوية أجزاء مكسرة لكن الصورة أحلى بيها. من غيرها تبقى مش حياتى و مش أنا.
شخصيتى أكيد موزايك. جوانب ما تركبش مع بعض. لكن شايفاهم شغالين مع الناس و مش عارفة أشوفهم فى أى ترتيبة تانية.
و هى دى الدنيا مع كل الناس. فهنحب الأجزاء اللى ماحدش شايفها و هنحب قلب الرسمة و هنحب الصور اللى فى حياتنا بتفانينها الرائعة و خرابيشها الصغيرة. و هنحب بعض.
Posts
No comments:
Post a Comment